მინისტრმა მალთაყვის განახლებული სანაპირო ზოლი დაათვალიერა

მინისტრმა მალთაყვის განახლებული სანაპირო ზოლი დაათვალიერა

რეგიონული განვითარებისა და ინფრასტრუქტურის მინისტრმა ზურაბ ალავიძემ, სამეგრელო-ზემო სვანეთის გუბერნატორმა ლევან შონიამ, ფოთის მაჟორიტარმა ირაკლი ხახუბიამ, ქალაქ ფოთის მუნიციპალიტეტის მერმა ირაკლი კაკულიამ და საკრებულოს თავმჯდომარე ალექსანდრე თოფურიამ, მალთაყვაში სანაპირო ზოლის კეთილმოწყობის სამუშაოები დაათვალიერეს. მალთაყვის საკურორტო ზონის მშენებლობას დიდი მნიშვნელობა აქვს, ფოთის როგორც ტურისტული ქალაქის განვითარებისთვის. მალთაყვაში სანაპირო ზოლის კეთილმოწყობის სამუშაოები რეგიონებში განსახორციელებელი პროექტების ფონდიდან დაფინანსდა. პროექტის ღირებულებაა 18 500 000 ლარია, სამუშაოების პირველი ნაწილი 2015 წელს დაიწყო და წელს დასრულდება. პროექტის პირდაპირ ბენეფიციართა რაოდენობა დაახლოებით 25 ათას ადგილობრივ მცხოვრებს შეადგენს, ხოლო სეზონურად დამატებით 20 ათას დამსვენებელზეა გათვლილი. პროექტი შეზღუდული შესაძლებლობების პირთა საჭიროებებზე სრულადაა ადაპტირებული.

კომენტარები

Close
Close